呢幾日秋風起，又係食大閘蟹既季節，大家係咪已經急不及待，諗住買返十隻八隻返屋企拆餐飽。香港人咁識食，食好野又點可以唔搵返支靚酒飲番杯呀。成日都話食大閘蟹要配陳年紹興，再唔係就法國黃酒，究竟仲有無其他選擇呢？
答案就係近年開始成為新潮流既清酒！由米作為原料，令清酒既配餐能力非常高，所以大閘蟹又點會難到佢呀。蟹膏比較濃味大家可以試吓用3年以上既日本古酒，而白身蟹肉其實一般的既清酒都可以配搭到。
點解清酒同蟹可以咁夾？以下落黎就同大家解構一下
胺基酸
清酒內含有豐富既胺基酸，足足比紅白酒多五倍，有效僻走海鮮腥臭味，亦令海鮮的鮮甜大大提升，可謂一舉兩得。
味道得宜
用黎釀造清酒既大米，一般經過過打磨外層既雜質，加上日本人既高超釀製技巧，純淨度及米的醇鮮香味，比一般花雕都要強，集中性較高，酒味馥郁，口感柔和。加上清酒當中既酸味同辛口感，可以一洗大閘蟹果份油膩。
暖酒驅寒
中國人食大閘蟹既時候，鐘意飲杯溫熱既酒，用以達致驅寒既效用，而恰恰清酒就非常適合熱燗後飲用，一般黎講，純米酒或者生酛、山廢系既清酒都會適合熱燗飲用。喺呢個秋風剛起既既時節，暖意即刻湧上心頭，同時可以享受到濃濃米香。
