日本酒知識

未開封的清酒可以放幾耐?一篇文幫你了解清酒的賞味期限!

究竟清酒係咪唔會過期既呢?為左解決呢個迷思,我地酒蛙 Sakewa諮詢左我地既唎酒師 Jacky,估唔到清酒的賞味期限竟然係咁樣計?

大家會唔會發覺,好多時去買酒,第一下就係拎起枝酒,望下樽身上面的Label。大家睇Label的時候,不得不留意的一定是樽身標明的製造年月。但大家有無留意,係清酒既樽身上,竟然係搵唔到「賞味期限」喎~!咁究竟清酒係咪唔會過期既呢?為左解決呢個迷思,我地酒蛙 Sakewa諮詢左我地既唎酒師 Jacky,估唔到清酒的賞味期限竟然係咁樣計?

未開封的清酒可以放幾耐?一篇文幫你了解清酒的賞味期限!


「製造年月」竟然唔係清酒釀造完成的日期?

首先,等我地了解下究竟清酒所標示的製造年月,究竟是代表乜野時間。清酒樽身所標示的製造年月,其實並非清酒釀造完成的日期,而是酒造將清酒出貨裝瓶的日子。其實各個酒造,在清酒完成釀造後會因應自己的判斷,決定會否將清酒進行「貯藏」,才決定出貨給大眾,而這個日期就是清酒上所標示的製造年月。

清酒上所標示的製造年月

清酒上所標示的製造年月

 


咁清酒的最佳賞味期限係幾時?

承上文,酒造會根據自身的經驗,決定清酒釀造完成後「貯藏」的時間,然後才出貨給大眾享用。所以,要品嚐到清酒最佳風味的時機,就是趁新鮮飲!當然,我們知道清酒由酒藏送到大家屋企需要經過重重關卡,快則半個月,慢則1~2個月,視乎入口商使用的運輸方法。甚至乎,有時候在店家買到的,更是半年前出貨的清酒。咁究竟,我應該點決定買唔買一枝清酒呢?究竟放幾耐的酒,我唔應該買?

當然,我們會建議大家趁新鮮飲,但如果唔可以的話,下面是我們的建議:

一般清酒(經過高溫火入處理):
製造年月後的1年內飲用

生詰、生儲藏酒(只經過一次火入處理):
製造年月後的6個月~1年內飲用(需低溫冷藏保存)

生酒(沒有經過火入處理):
製造年月後的6個月內飲用(需低溫冷藏保存)


咁清酒會唔會變壞?

以上所標示的適飲日期,大概是你仍然會享用到酒造希望各位品嚐到的香氣和味道。過左呢段時間,清酒仍然是可以飲用的,但清酒的顏色和味道可能會偏離左酒造本來所希望的目標,大家下次飲清酒的時間,就要注意喔!


如何保存未開封的清酒?

首先,我們要了解Sake最大的3個敵人,是紫外線高溫空氣。如果各位讀過中學化學都可能會知道,清酒受到紫外線(太陽光、螢光燈、殺菌燈)照射,或者是儲存係高溫的環境,會加速樽身內的化學反應,令到清酒的最佳賞味期限大大縮短。而生酒的情況更加需要小心處理,一定要低溫保存。因為生酒沒有經過火入高溫殺菌處理,所以酒內的酵母菌遇上高溫的話,隨時會再次起身工作喔!所以而家大家知道,點解清酒酒樽,大多都使用左咖啡色,或者綠色,其實都係想盡量避免紫外光的照射。而一直強調的低溫儲存,亦都是為左保持清酒的最佳風味。如果唔係,到時飲落啖清酒唔好飲,未必是酒藏的原因喔!

所以各位買左清酒番屋企,最佳的儲存方式,其實就係放係雪櫃(0~4度)。開封後,因酒體經已同空氣接觸,會開始氧化。酒內的香氣亦都會開始揮發。大家如果真的一次過未能享用完成枝清酒,我地建議最好放番雪櫃,在一星期內品嚐完畢。

清酒家居的最佳的儲存方式,其實就係放係雪櫃(0~4度)

清酒家居的最佳的儲存方式,其實就係放係雪櫃(0~4度)

 

最後,即使我們在家中做好保存工作,但如果供應商在運送和售賣的過程中,不好好保存和運輸的話,我地飲用的清酒也未必是最好的。因此我地都係建議大家,同優質有保證的店家購買。千萬不要貪小便宜,以免因小失大喔。等我地一起來享用清酒吧!

相關文章

免費電子報

想緊貼日本酒的最新消息?

免費訂閱《酒蛙電子報》,逢星期六出版,讓你絕不錯過日本酒的最新資訊!

SHOP NOW

網店優惠低至5折,售完即止

酒蛙 Sakewa 提供超過300款日本酒及其他世界名酒,優惠低至5折。滿$600免費送貨,最快即日送達!